Almaty oblysynda 8 mektep Starlink spýtnıktik ınternetine tegin qosyldy
«Bilim berý salasyndaǵy negizgi basymdyq – úshaýysymdy oqytý men oryn tapshylyǵyn joıý. 2023 jyldyń basynda oblysta 52 úshaýysymdy mektep boldy. Bıyl 14,4 myń orynǵa arnalǵan 10 mektep tapsyryldy. 5-eýi jyldyń sońyna deıin beriledi. Keler jyly úshaýysymdy mektepter 39-ǵa deıin qysqarady. «Jaıly mektep» Ulttyq jobasy boıynsha 2024-25 jyldary 54,6 myń oryndyq 53 mektep salynady. Osynyń nátıjesinde úshaýysymdy mektep máselesi sheshiledi», - dedi óńir ákimi Ortalyq kommýnıkatsııalar qyzmetindegi brıfıngide.
Onyń atap ótýinshe, «Bilim-ınnovatsııa» jáne «Qazaqstan halqyna» qorlarymen birlesip, «Tabysty 50 mektep» atty biregeı jobany júzege asyrý úshin jergilikti bıýdjetten 756 mln teńge bólingen. 50 mekteptiń 3,8 myń ustazy biliktiligin arttyrý kýrstarynan ótip, 58 myńnan astam oqýshy keshendi oqýymen qamtyldy. Joba aıasynda «Qazaqstan halqyna» qorynyń qoldaýymen 50 mektepke 1,5 mlrd teńgege fızıka, hımııa jáne bıologııa pánderiniń 150 zerthana kabınetteri jabdyqtalyp jatyr.
«Qazirgi ýaqytta oblys mektepteri ınternet jelisimen tolyq qamtamasyz etilgen. Alaıda shalǵaı aýdandarda ınternet jyldamdyǵynyń máselesi bar. «Digital Bridge-2023» pılottyq jobasy aıasynda Starlink spýtnıktik ınternetine shalǵaı aýdandardyń 8 mektebi tegin qosyldy. Nátıjesinde ınternet jyldamdyǵy 8 MBıt/sekýdtan 200-ge deıin artty. «Qoljetimdi ınternet» baǵdarlamasynyń aıasynda osy tehnologııamen taǵy da 65 mekteptegi ınternettiń jyldamdyǵy arttyrylady», - dedi oblys ákimi.