Almaty oblysynda 714 myń tonna kómir alynady

<p>QONAEV. KAZINFORM &mdash; Almaty oblysynda jylytý maýsymyna qarqyndy daıyndyq júrip jatyr. Almaty oblysy Energetıka jáne TÚKSh basqarmasynyń ókili Erjan Beıbitulynyń aıtýynsha, oblys boıynsha 43 qazandyqtyń jóndeý jumystary aıaqtalyp, olardyń qýattylyǵy men tıimdiligi artty. Taǵy 5 qazandyqtyń jumysy qazan aıynda aıaqtalady dep josparlanǵan.</p>

«Іle aýdanynyń Boraldaı jáne Baıkent aýyldaryndaǵy qazandyqtardy jańǵyrtýǵa qosymsha 800 mln teńge bólinip, jumystardyń 50%-y aıaqtaldy. Sonymen qatar, turǵyndarǵa qajetti 714 myń tonna kómir jetkizý úshin kelisimsharttar jasaldy. Qazirgi ýaqytta óńirge 93 myń tonna kómir jetkizildi, ortasha baǵasy tonnasyna — 18 500-23 000 teńge. Kómir sapasy men qoljetimdiligin qamtamasyz etý maqsatynda barlyq operatorlar qatań qadaǵalanady», — dedi Erjan Beıbituly.

Eske salaıyq, buǵan deıin Almatyda 8 myń tonnadan astam kómir qory bar ekenin jazǵanbyz.