Almaty oblysynda 612 bala tozyǵy jetken mektepte oqýǵa májbúr

<p>Eńbekshiqazaq aýdanyna qarasty Tóle bı aýylynda jańadan salynyp jatqan mekteptiń qurylysy maýsym aıynan beri toqtap tur. 600 orynǵa arnalǵan bilim oshaǵynyń irgetasy 2021 jyly qalanǵan, dep habarlaıdy <a href="https://kaz.inform.kz/?_gl=1*qnfdr2*_ga*MTIwMzc3NjY2MS4xNjkzMjIxODUx*_ga_Y44SMVECD5*MTY5NzY4NTg4Ny4yOS4xLjE2OTc2OTY2NDMuMzUuMC4w&amp;pk_vid=bf8d2fd96778fe6216976966465aaacc" target="_blank" rel="noopener">Kazinform.</a>&nbsp;</p>

«612 bala qazir 60 jyl buryn salynǵan mektepte oqyp jatyr. Kabınet jetispeıdi. Jattyǵý zalynda sportpen shuǵyldanýǵa múmkindik joq. Ata-analar men ustazdardyń armany – jańa mektepke kóshý. Jańa mekteptiń tezirek ashylýyna jan-jaqty qoldaý kórsetse eken», – deıdi Tóle bı orta mektebiniń dırektory Qazı Ysqaqov.

«AMANAT» partııasy Almaty oblysy fılıalynyń tóraǵasy Qýat Baıǵodjaev bilim mekemesiniń qurylysyna 1 mlrd teńgeden astam qarjy bólingenin atap ótti. 

Foto: «AMANAT» partııasy

«Mektep qurylysyna 1 mlrd 489 mln teńgeden asa qarjy bólingen. Bas merdiger sonyń ózi jetpeı qalǵanyn aıtty. Óıtkeni jobanyń jalpy quny 3 mlrd teńgeden asady. Sondyqtan qurylystyń turalap qalǵanyn jasyrmaıdy. Bul jumysty partııa músheleri baqylaýda ustaıtyn bolady», – dedi oblystyq partııa fılıalynyń tóraǵasy Qýat Baıǵodjaev.

Amanattyqtar aldaǵy ýaqytta bilim jáne qurylys basqarmalaryn fraktsııa otyrysynda tyńdap, qatań shara qoldanatynyn jetkizdi.