Almaty oblysynda 54600 oqýshyǵa arnalǵan 53 jańa mekteptiń qurylysy bastaldy

<p>QONAEV. KAZINFORM &ndash; &laquo;Jaıly mektep&raquo; ulttyq jobasy aıasynda Almaty oblysynda jańa mektepter salýdyń aýqymdy baǵdarlamasy bastaldy.</p>

Óńir ákimdiginiń málimetinshe, Eńbekshiqazaq, Jambyl, Іle, Qarasaı, Talǵar aýdandary men Qonaev qalasynda 54600 oqýshyǵa arnalǵan 53 bilim oshaǵy salynady. Qazir 2023-2024 jyldary bastalǵan 24 900 oryndyq 26 mekteptiń qurylysy júrip jatyr. Barlyq nysannyń merdigerleri bar jáne qurylys-montaj jumystary bastaldy. 

Foto: Almaty oblysy ákimdigi

Almaty oblysynyń ákimdigi jobaǵa 1,9 mlrd teńge, al barlyq 53 mekteptiń ınjenerlik kommýnıkatsııalyq ınfraqurylym qurylysyna 5,9 mlrd teńge bóldi. 26 joba oń saraptamalyq qorytyndyǵa ıe boldy. 

Foto: Almaty oblysy ákimdigi

2024-2025 jyldarǵa arnalǵan josparda 29 700 oryndyq 27 jańa mekteptiń qurylysy bar. Bul bilim oshaqtarynyń jobalyq-smetalyq qujattary saraptamaǵa jiberildi. Almaty oblysynda jańa mektepter salý baǵdarlamasy óńir balalaryna sapaly bilim berý jolyndaǵy úlken qadam.

«Almaty oblysynda 53 jańa mekteptiń aýqymdy qurylysy bastalǵanyn habarlaımyz jáne bul oqýǵa qolaıly jaǵdaı týǵyzyp qana qoımaı, úsh aýysymda oqytý máselelerin sheshýde mańyzdy qadam bolmaq. Jańa mektepter qosymsha 54 600 oqýshyǵa oryn beredi. Bul burynnan bar mektepterdiń jumysyn jeńildetip qana qoımaı, balalardyń jaıly jaǵdaıda bilim alýyna múmkindik beredi», - dedi Almaty oblysy ákiminiń orynbasary Nurjan Qudaıbergenov.