Almaty oblysynda 5 jasar qyz zorlandy degen aqparat tarady: ákimdik túsinik berdi

<p>Almaty oblysynyń klınıkalyq aýrýhanasyna jol apatynan zardap shekken bes jastaǵy qyz jetkizildi. Dárigerler tekserý kezinde jynystyq sıpattaǵy zorlyq-zombylyq belgilerin anyqtaǵan.</p>

Bul týraly aqparat áleýmettik jelide tarady. Osyǵan baılanysty óńir ákimdigi túsinik berdi, dep habarlaıdy Kazinform.

31 qazan kúni zorlyq-zombylyqqa qarsy «Ne molchı» qorynyń negizin qalaýshy Dına Tańsári óz paraqshasynda zorlandy degen kúdikpen Almaty oblysynyń balalar klınıkalyq aýrýhanasyna jetkizilgen kishkentaı qyz týraly jazba jarııalady.

Osyǵan baılanysty Almaty oblysynyń ákimdigi túsinik berdi.

«Polıtsııa qyzmetkerleri atalǵan aqparatty dereý tekserip, medıtsınalyq mekemege jedel-tergeý tobyn jiberdi. Anyqtalǵandaı, 28 qazan kúni jol apatyna túsken 5 jáne 7 jastaǵy eki bala jedel járdem kóligimen aýrýhanaǵa jetkizildi. Qazir olar travmatologııa bólimshesinde em qabyldap jatyr. Jandarynda anasy bar. Anasy balalarǵa qatysty zorlyq-zombylyq áreketteri faktisin joqqa shyǵardy»,- dep habarlady oblystyq ákimdikten.

Sonymen qatar, oblys ákimdiginiń baspasóz qyzmeti, dárigerler medıtsınalyq tekserý júrgizgenin atap ótti. Jynystyq sıpattaǵy áreketterge tán jaraqattardyń joqtyǵy belgili boldy.

«Sonymen birge, Almaty oblystyq Polıtsııa departamentiniń aýmaqtyq bólimshelerine jarııalanymda kórsetilgen faktige qatysty aryz túsken joq»,- dep habarlady ákimdikten.