Almaty oblysynda 5 gektar qarasora alqaby tabyldy

<p>QONAEV. KAZINFORM &ndash; Eńbekshiqazaq aýdanynyń prokýratýra qyzmetkerleri Eńbekshiqazaq aýdanynyń tártip saqshylarymen birge jabaıy qarasora alqabyn anyqtady.</p>

Qarasoranyń jalpy aýdany 5 gektardan asady. Qazirgi ýaqytta qarasorany joıý sharalary júrgizilip jatyr.

- Qarasora quramynda esirtki nemese psıhotroptyq zattar bar ósimdikterdiń tizimine engizilgen jáne Qazaqstan Respýblıkasynda baqylaýǵa jatady. Quramynda esirtki zattary bar tyıym salynǵan ósimdikterdi zańsyz ósirgeni úshin úsh jyldan segiz jylǵa deıingi merzimge bas bostandyǵynan aıyrý túrindegi qylmystyq jaza qarastyrylǵan. Quramynda esirtki zattary bar ósimdikterdi zańsyz ósirý jaǵdaılary týraly habardar bolsańyz, dereý quqyq qorǵaý organdaryna habarlaýyńyzdy suraımyz, - dep habarlady Almaty oblysynyń prokýratýrasynan.

Sonymen qatar oblystyq prokýratýra QR Ákimshilik quqyq buzýshylyq týraly kodeksine sáıkes, jer ıeleri men jer paıdalanýshylarǵa jabaıy kendirdi joıý sharalaryn qoldanbaǵany úshin jaýapkershilik qarastyrylǵanyn eskertti.

Eske salaıyq, buǵan deıin Almaty áýejaıynda esirtki tasyǵan eki jolaýshy ustaldy.