Almaty oblysynda 4,8 mlrd teńgeden astam sýbsıdııa zańsyz tólenip, urlanǵan

<p>QONAEV. KAZINFORM &mdash; Almaty oblysynyń prokýratýrasy aýyl sharýashylyǵy basqarmasyn tekserý nátıjeleri boıynsha bıýdjettik sýbsıdııalardy urlaýdyń, olardy zańsyz tóleýdiń jáne sharýalarǵa &laquo;tańdaý ádisimen&raquo; tólengen júıeli shemalaryn anyqtady.</p>

«Sýbsıdııalaý salasyndaǵy qaıtarylýǵa jatatyn buzýshylyqtar somasy 4,8 mlrd teńgeden asty. Prokýratýranyń qadaǵalaý aktisi boıynsha óteý protsesi bastalyp, búginde bıýdjetke 110 mln teńge qaıtaryldy.

Aýyldardaǵy áleýmettik-óndiristik kooperatıvter asyl tuqymdy janýarlardy alý maqsatynda selektsııalyq jumystarǵa arnalǵan 1,2 mlrd teńge sýbsıdııany urlaǵan. Іs júzinde bul jumystar oryndalmaı, qujattar resmı túrde resimdelip, oblysta asyl tuqymdy mal sany ulǵaıtylmaǵan», — dep jazdy Bas prokýratýradan.

Oblys ákimdiginiń eseptik derekteri boıynsha asyl tuqymdy mal sharýashylyǵyn damytý baǵytynda belsendi jumys júrgizilýde. Asyl tuqymdy qoılardy selektsııalaý baǵdarlamasyn iske asyrý nátıjeleri boıynsha 4 jylda olardyń sany 1,9 mln-ǵa deıin ulǵaıtyldy.

«Alaıda, derekter tek qaǵaz júzinde qaldy, prokýrorlyq tekserý oblys boıynsha asyl tuqymdy qoılardyń sany nebári 367 myń bas ekenin kórsetti», — delingen baqylaýshy organnyń habarlamasynda.

Oblysta aýyl sharýashylyǵyn damytýdyń tıimdiligin taldaý jalǵasýda. Mysaly, Uıǵyr aýdanynda tirkelgen janýarlar joq bola turyp, 2023 jyly selektsııalyq jumystardy júrgizgeni úshin 45,2 mln teńge somasyna sýbsıdııa alǵan. Sýbsıdııa alǵan kezde bul kooperatıv óziniń jeke aýlasy retinde Uıǵyr aýdany turǵyndarynyń aýylsharýashylyq janýarlaryn tirkegen.

Ákimdik mal basynyń naqty saqtalýyna monıtorıng júrgizbegendikten, memlekettik bıýdjetke zalal keltirilýde. Urlaý faktileri boıynsha sotqa deıingi 5 tergeý bastalyp, zańsyz tólengen sýbsıdııalardy qaıtarýǵa 3 usyný engizildi.