Almaty oblysynda 42 jastaǵy áıel óndiris ornynda kóz jumdy
12:50, 04 Jeltoqsan 2024
<p>QONAEV. KAZINFORM – Almaty oblysynda «Baıserke Agro» kásipornynda jumysshy áıel konveıer shuńqyryna qulap ketti. </p>
Almaty oblystyq polıtsııa departamenti eńbekti qorǵaý erejelerin buzý faktisi boıynsha qylmystyq is qozǵady.
– 3 jeltoqsan kúni «Baıserke Agro» JShS-de qaıǵyly jaǵdaı boldy. Kásiporynnyń 42 jastaǵy qyzmetkeri alǵan jaraqattarynan oqıǵa ornynda qaıtys boldy. Qazir jınalǵan materıal tıisti tekserýdi uıymdastyrý úshin eńbek ınspektsııasyna jiberildi, onyń nátıjeleri boıynsha túpkilikti protsessýaldyq sheshimi qabyldanady, - dep habarlady vedomstvodan.
Osyǵan deıin Almatyda kópqabatty turǵyn úılerdiń birine jarnama taqtasyn ilip jatqan 27 jastaǵy óndiristik alpınıst bıikten qulap, kóz jumǵany týraly jazǵan bolatynbyz.
Sondaı-aq Almatyda erli-zaıypty qart kisilerdi 56 jastaǵy tanysy óltirip ketkenin habarlaǵan edik.