Almaty oblysynda 4 adamdy qaǵyp, qashyp ketken júrgizýshi ustaldy

<p>QONAEV. KAZINFORM &ndash; Esik qalasynda BMW kóliginiń júrgizýshisi tórt adamdy qaǵyp, qashyp ketken.</p>

Almaty oblystyq Polıtsııa departamentiniń málimetinshe,14 qarashada jeńil avtokólik júrgizýshisi Esik qalasy Altyn Adam alleıasy kóshesimen kele jatyp, tórt jaıaý júrginshini qaǵyp, keıin apat ornynan qashyp ketken.

Jol apaty saldarynan 16 jastaǵy qyz aýdandyq aýrýhanaǵa jetkizildi. Ókinishke qaraı 15 qarasha kúni tańerteń ol alǵan jaraqattarynan qaıtys boldy.

Jol-kólik apaty boıynsha polıtsııa qylmystyq is qozǵady.

«Jedel-izdestirý is-sharalarynyń nátıjesinde BMW-320I avtokóligin basqarǵan 18 jastaǵy jergilikti turǵyn ustalyp, ýaqytsha ustaý ızolıatoryna qamaýǵa alyndy», - dep habarlady vedomstvodan.

Óńir polıtsııasy jol qaýipsizdigi talaptaryn buzbaýǵa jáne QR Jol erejelerin qatań saqtaýǵa shaqyrady.