Almaty oblysynda 35 myń gektardan astam jer memleket menshigine qaıtaryldy

<p>Almaty oblysynyń Sybaılas jemqorlyqpen kúres qyzmeti osy jyldyń qyrkúıek aıynan bastap jalpy aýdany 35,5 myń gektar jer ýchaskesin memleket menshigine qaıtardy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Atalǵan jerler jergilikti atqarýshy organdardyń qyzmetinde bıznes úshin jer ýchaskelerin bólý jáne qoljetimdilik máseleleri boıynsha jemqorlyq táýekelderine júrgizilgen syrtqy taldaý sheńberinde anyqtaldy.

«Almaty oblysynyń mamandandyrylǵan aýdanaralyq sotynyń sheshimderimen memleket menshigine Eńbekshiqazaq aýdany boıynsha 247,4 gektar 1 ýchaske, Jambyl aýdanynda jalpy aýdany 29.2 myń gektar 8 ýchaske, Іle aýdany boıynsha aýdany 931.6 gektar 1 ýchaske, Qarasaı aýdanynda aýdany 7 gektar 1 ýchaske, Kegen aýdany boıynsha aýdany 1.5 myń gektar 1 ýchaske, Talǵar aýdany boıynsha aýdany 558.1 gektar 1 ýchaske jáne Qonaev qalasy boıynsha 2.9 myń gektar bolatyn 7 ýchaske qaıtaryldy»,- dep habarlady vedomstvodan.

Qaıtarylǵan jerler boıynsha bólý jumystaryn jergilikti atqarýshy organdar júrgizedi.

Jalpy jyl basynan beri memleket menshigine aýyl sharýashylyǵy maqsatyndaǵy aýdany 51.4 myń gektar 55 jer ýchaskesi qaıtaryldy.