Almaty oblysynda 2027 jylǵa deıin 98 aýyl ınternetke qosylady

<p>ALMATY. KAZINFORM - Almaty oblysynda &laquo;Qoljetimdi ınternet&raquo; ulttyq jobasy negizinde 98 aýyldy keń jolaqty ınternetke qosý josparlanyp otyr. Bul týraly Almaty oblysynyń ÓKQ alańynda Tsıfrlyq tehnologııalar basqarmasynyń bas mamany Turan Talǵatuly aıtty.</p>

«Oblys halqyn turaqty joǵary jyldamdyqty ınternetpen qamtamasyz etý maqsatynda «Alataý Jaryq kompanııasy» AQ-men shaǵyn baılanys operatorlaryna elektr berý jelileriniń tirekterin óteýsiz ornalastyrý jumystary júrgizilip jatyr. Qazirgi ýaqytta 27 shaǵyn baılanys operatorlary oblystyń 134 eldi mekeninde talshyqty-optıkalyq baılanys jelisi tehnologııasyna negizdelgen joǵary jyldamdyqty ınternet júrgizý jumystary júrgizilip jatyr», - dedi Tsıfrlyq tehnologııalar basqarmasynyń bas mamany Turan Talǵatuly.

Sondaı-aq ol byltyr spýtnıktik tehnologııaǵa negizdelgen joǵary jyldamdyqty ınternetke qosýdyń pılottyq jobasy sheńberinde oblystyń shalǵaı eldi mekenderinde ornalasqan 8 mektep Starlink jyldamdyǵy 200 Mbıt/s-ke deıin jetetin ınternetke qosylǵanyn atap ótti. Bıyl taǵy 65 bilim oshaǵyn ınternetpen qamtý kózdelgen.