Almaty oblysynda 2024 jyly qansha náreste dúnıege keldi

<p>QONAEV. KAZINFORM &ndash; 2024 jyly Almaty oblysynda 24 myńǵa jýyq sábı dúnıe esigin ashty. Bul kórsetkish boıynsha Qarasaı, Іle, Jambyl, Eńbekshiqazaq jáne Talǵar aýdandary aldyńǵy qatarda tur.</p>

Oblystyq Densaýlyq saqtaý basqarmasy basshysynyń orynbasary Leıla Serikbaevanyń aıtýynsha, aımaqtaǵy perzenthanalar úsh deńgeıli medıtsınalyq kómek kórsetedi.

– Bıyl Almaty oblysynda 12 139 ul jáne 11 713 qyz bala dúnıege keldi. Ana men balaǵa kórsetiletin medıtsınalyq qyzmettiń sapasyn jaqsartý úshin dárigerler biliktilikterin turaqty túrde arttyryp otyrady. Sonymen qatar, Eńbekshiqazaq aýdandyq kópsalaly aýrýhanasynda 26 tósek-oryndyq, al Qarasaı aýdandyq kópsalaly aýrýhanasynda 30 tósek-oryndyq shala týǵan nárestelerdi kútý bólimderi ashyldy. Sondaı-aq, Almaty kópsalaly klınıkalyq aýrýhanasynda bir kúndik klınıka óz jumysyn bastady. Munda joǵary bilikti mamandar qyzmet etedi, – dedi Leıla Pernebaıqyzy.

Jalpy, 2024 jyly Almaty oblysynda 23 852 sábı dúnıege kelip, onyń 219-y egiz bolsa, bireýi úshem.

Osyǵan deıin óńirde 204 egiz dúnıege kelgeni týraly jazǵan edik.