Almaty oblysynda 19 bala tárbıelengen zańsyz medrese anyqtaldy
12:04, 22 Shilde 2024
<p>ALMATY. KAZINFORM – Qarasaı aýdanynyń prokýratýrasy «Baqytty jáne qaýipsiz balalyq shaq» jobasy aıasynda quqyq qorǵaý organdarmen birlesip 19 bala zańsyz tárbıelengen jasyryn dinı medreseni anyqtady. </p>
– Jeke úıdiń aýmaǵynda Tájikstannyń týmasy balalarǵa arab jazýlary bar dinı ádebıetterdi qoldana otyryp sabaq berdi. Tekserý barysynda dinı ádebıettiń 179 danasy, sondaı-aq «Iphone» markaly uıaly telefon jáne «HP» markaly noýtbýk tárkilendi. Atalǵan is boıynsha tıisti saraptamalar taǵaıyndaldy. Qazirgi ýaqytta barlyq bala ata-analaryna qaıtaryldy, - dep habarlady oblystyq prokýratýradan.
Eske salaıyq, buǵan deıin Almatyda qarýly qaqtyǵysqa qatysqan kúdiktiler ustalǵanyn jazǵan edik.