Almaty oblysynda 180 oryndyq zamanaýı dene shynyqtyrý-saýyqtyrý kesheni ashyldy
Ulystyń uly kúni qarsańynda Almaty oblysy Eńbekshiqazaq aýdany Shelek aýylynda zamanaýı dene shynyqtyrý – saýyqtyrý kesheni ashyldy.
Keshenge grek-rım kúresinen Álem chempıony, halqymyzdan shyqqan tuńǵysh Olımpıada chempıony, Qazaqstannyń Eńbek eri Jaqsylyq Úshkempirovtiń esimi berildi.
2022 jyly qurylysy bastalǵan nysanǵa 2 534, 8 mlrd.teńge jumsaldy. Atalmysh keshende boks, kúres, oıyn, jattyǵý zaly bar. Bul zaldarda boks, erkin kúres, qazaqsha kúres, grek-rım kúresi, voleıbol, basketbol, fýtbol, fýtzal, gandbol sekildi sport túrlerinen úıirmeler bar.
Nysannyń aýmaǵy – 5477,4 m2 sharshy metr. Bul ǵımaratta Shelek aýylynyń turǵyndary ǵana emes, kórshiles aýyldardyń sportqa qyzyǵýshylyq tanytqan balalary da jattyǵýyna bolady. Keshende kúnine 100-den asa bala birneshe sektsııada sheberlikterin shyńdaıdy. Atalmysh ǵımarattyń ashylý saltanatynda sóz sóılegen oblys ákimi Marat Sultanǵazıev aıtqandaı, aıtýly mereke qarsańynda jańa keshenniń iske qosylyp jatqany – oblys tarıhyndaǵy asa mańyzdy oqıǵa. Bul qadam aýyldyń áleýmettik ınfraqurylymyn damytýǵa, turǵyndardyń jaǵdaıyn jaqsartýǵa zor múmkindik beredi.
«Sizderdi birneshe zaly men fýtbol alańy bar zamanaýı dene shynyqtyrý – saýyqtyrý kesheniniń ashylýymen shyn júrekten quttyqtaımyn. Bul ǵımarat tek osy Shelek aýylynda ǵana emes, aýdanda sporttyń damýyna jańa serpin beredi dep oılaımyn. Sebebi onyń negizinde Eńbekshiqazaq aýdanynyń №3 balalar men jasóspirimder sport mektebi qurylyp otyr. Mundaı qadam aýdannyń ishinde sporttyq básekeni arttyryp, shyn myqtylardyń iriktelýine múmkindik týǵyzady dep oılaımyn. Sonymen qatar keshenge grek-rım kúresinen álem chempıony, halqymyzdan shyqqan tuńǵysh Olımpıada chempıony, Qazaqstannyń Eńbek eri Jaqsylyq Úshkempirov aǵamyzdyń esiminiń berilýi erekshe jaýapkershilik júkteıdi. Jańa sport ǵımaratyn qoldanysqa berý arqyly jas býynnyń, ásirese aýyl jastarynyń sportpen shuǵyldanýyna tıisti jaǵdaı jasalýda. Osy oraıda Prezıdentimiz Qasym-Jomart Kemeluly Toqaevtyń «Sportshylarymyz kóptegen dúbirli dodada top jaryp, el abyroıyn asqaqtatyp júr. Olar óskeleń urpaqqa úlgi-ónege bolyp, jastardy jarqyn jeńisterge bastaıdy. Sport árdaıym memlekettiń nazarynda bolady» degen sózderi buqaralyq jáne kásibı sportty damytýdaǵy jaýapkershiliktiń joǵary ekenin kórsetedi. Bul baǵytta basty kóńil aýyldy jerlerge bólinedi. Aýyldy jerlerde sporttyq nysandar kóptep salynýda. Bul oraıda Almaty oblysyndaǵy 1 800-den astam sporttyq ǵımarattyń jartysynan kóbi aýyldy jerde ekenin atap ótken jón», - dedi oblys ákimi.
Saltanatty sharaǵa Almaty oblysynyń ákimimen qatar ákiminiń birinshi orynbasary, oblystyń dene shynyqtyrý jáne sport basqarmasynyń basshysy, bokstan London Olımpıadasynyń chempıony Serik Sápıev, Májilis depýtaty, Aralas jekpe-jekten úsh márte álem chempıony jáne álem kýbogynyń ıegeri Ardaq Nazarov, Májilis depýtaty Maqsat Tolyqbaev, Májilis depýtaty Danııar Qasqaraýov, bokstan birinshi orta salmaqta WBC Asia chempıony (2019) jáne WBA Continental chempıony (2021) Sadrıddın Ahmedov arnaıy qatysyp, izgi tilekterin bildirdi.
Sondaı-aq óńir basshysy Marat Sultanǵazıev aýdannyń «Tulpar» JShS júrgizýshilerine 10 jańa avtobýstyń kiltin tabystady.