Almaty oblysynda 1500 gektar aýmaqta 3,3 mln aǵash otyrǵyzylady

<p>ASTANA. KAZINFORM &mdash; Premer-mınıstr Oljas Bektenov brıtandyq SEFE Marketing&amp; Trading Limited kompanııasynyń aktıvterdi basqarý jónindegi vıtse-prezıdenti Aleksandr Demıdovpen jáne qazaqstandyq &laquo;SAFC&raquo; JShS dırektory ıÝrıı Kımmen kezdesý ótkizdi, dep habarlaıdy Úkimettiń baspasóz qyzmeti.</p>

Qazaqstandaǵy alǵashqy orman klımattyq jobasyn iske asyrýdy mysalynda yntymaqtastyq máseleleri talqylandy.

Qazaqstan Prezıdentiniń qatysýymen 2023 jylǵy jeltoqsanda Dýbaıda ótken SOR 28 Dúnıejúzilik klımattyq sammıti aıasynda jasalǵan memorandým sheńberinde búgin Astana qalasynda brıtandyq kompanııanyń 30 jyl boıy orman otyrǵyzýǵa jáne kómirtegi birlikterin shyǵarýda ınvestıtsııalaryn kózdeıtin SEFE Marketing & Trading Ltd. jáne «SAFC» JShS arasynda kelisimge qol qoıyldy.

Foto: Úkimettiń baspasóz qyzmeti

Joba Almaty oblysynda 1500 ga aýmaqta orman ekojúıesin qurýǵa baǵyttalǵan. Terek, qaraǵash jáne ilespe tuqymdardy (torańǵy, qaıyń, eren aǵashy, ıtmuryn, shyrǵanaq jáne basqalary) qosa alǵanda, 3,3 mln aǵash otyrǵyzý josparlanýda. Іske asyrý sý únemdeý tehnologııalary men qarqyndy agrotehnıkany paıdalana otyryp júzege asyrylatyn bolady. Boljam boıynsha, lastaýshy zattardyń shyǵarylýynyń ortasha jyldyq tómendeýi gektaryna 26 tonna CO₂ quraıdy. Nebári 30 jyl ishinde 1,2 mln tonna kómirqyshqyl gazy joıylady, bul gektaryna 780 tonna CO₂-ǵa teń. Sonymen qatar agroorman sharýashylyǵyn damytý, ekotýrızm jáne jumys oryndaryn ashý turǵysynan tıimdi nátıje kútilýde.

Premer-mınıstr ekologııalyq tepe-teńdikti qamtamasyz etý boıynsha bıznespen birlesken jumystyń mańyzyna toqtaldy.

«Memleket basshysy Joldaýynda ekologııa, Qazaqstannyń tabıǵı baılyǵyn saqtaý jáne kóbeıtý máselelerine erekshe kóńil bóldi. Ormandardyń kóbeıýi biz úshin óte mańyzdy. Biz ekologııalyq jobalarǵa sheteldik ınvestıtsııalardy tartý úshin qolaıly jaǵdaı jasaýǵa tyrysamyz. Úkimet ekojúıeni qalpyna keltirýge, kómirtegi izin azaıtýǵa, jasyl ekonomıkany damytýǵa jáne basqa da negizgi máselelerge baǵyttalǵan jobalardy qoldaıdy», — dep atap kórsetti Oljas Bektenov.

Foto: Úkimettiń baspasóz qyzmeti

SEFE vıtse-prezıdenti Aleksandr Demıdov pen «SAFC» JShS dırektory ıÝrıı Kım áńgimelesý barysynda jobanyń Qazaqstan úshin ǵana emes, búkil Ortalyq Azııa óńiri úshin biregeıligi men mańyzyn atap ótti. Bastama — bıznestiń, memlekettiń jáne halyqaralyq áriptesterdiń tıimdi ózara is-qımylynyń úlgisi.

Eske salsaq, buǵan deıin Bektenov WorldSkills Kazakhstan kásibı-tehnıkalyq daǵdylar chempıonatynyń qatysýshylarymen kezdeskeni habarlandy.