Almaty oblysynda 15 jasar bala alty oqýshyny qaǵyp ketti

<p><span style="font-family: sans-serif; font-size: 18px;">Almaty oblysy Narynqol aýylynda &laquo;Subaru&raquo; kóligin tizgindegen 15 jasar jasóspirim alty balany qaǵyp ketti, dep habarlaıdy QazAqparat tilshisi.</span></p>

Jol apatynyń vıdeosy áleýmettik jelide tarady.  

Almaty oblystyq polıtsııa departamentiniń málimetinshe, oqıǵa 21 qyrkúıek kúni Narynqol aýylynda bolǵan.

15 jasar bala «Subaru» markaly kólik quralynyń rýlin basqara almaı, trotýarǵa shyǵyp, jaıaý júrginshilerdi qaǵyp ketken.

Saldarynan 2008 jyly týǵan kámeletke tolmaǵan 6 bala zardap shekti, onyń beseýi ártúrli dene jaraqatymen aýrýhanaǵa jatqyzyldy.

«Atalǵan derek QR Qylmystyq kodekstiń 345-baby 2-bóligi boıynsha polıtsııada tirkeldi. Qazirgi tańda saraptama taǵaıyndalyp, tergeý sharalary júrip jatyr», – dep málimdedi oblystyq polıtsııa departamentiniń baspasóz qyzmeti.

Belgili bolǵandaı jasóspirim aǵasynyń kóligin ruqsatsyz aıdap, dúkenge shyǵyp ketken.