Almaty oblysynda 12 myńnan astam shetel azamaty zańsyz turyp kelgen

<p>QONAEV. KAZINFORM &ndash; Almaty oblysyndaǵy 278 úıde 12 myńnan astam sheteldik aazmattar tirkelgeni anyqtaldy.</p>

Almaty oblysy prokýratýrasynyń málimetinshe atalǵan úılerdiń qatarynda turǵyn úıler men meken-jaıy joq úıler de bolǵan. Mysaly, Qarasaı aýdany Batan aýylyndaǵy úılerdiń birinde 300-den astam sheteldik azamat tirkelgeni belgili boldy.

«Atalǵan faktiler boıynsha QR QK 394-baby (zańsyz kóshi-qondy uıymdastyrý) boıynsha qylmystyq is qozǵaldy. Sondaı-aq, úsh myń zańsyz kóship kelýshiniń memlekettik qazynaǵa 79 mln teńge kóleminde salyq tólemeý faktileri anyqtaldy, olar boıynsha óndirip alý jumystary júrgizilýde. Sonymen qatar, sot sheshimi boıynsha elden shyǵarylýǵa jatatyn 29 zańsyz kóship kelýshi men qylmystyq quqyq buzýshylyq jasaǵan 43 zańsyz kóship kelýshi elden shyǵarylmaǵan», - dep habarlady Almaty oblysynyń prokýratýrasy.

Jalpy, tekseris barysynda oblys prokýratýrasy kóshi-qon zańnamasyn buzýdyń 600-den astam deregin anyqtalyp, 17 kóshi-qon polıtsııa qyzmetkeri tártiptik jaýapqa tartyldy.

Qazirgi ýaqytta atalǵan buzýshylyqtardy joıý jumystary júrgizilýde.