Almaty oblysynda «109» baılanys ortalyǵyna 12 myń ótinish túsken

<p>QONAEV. KAZINFORM &mdash; Almaty oblysynda kommýnaldyq qyzmetterge qatysty ótinimder men shaǵymdardy &laquo;109&raquo; biryńǵaı baılanys ortalyǵy qabyldaıdy. Jyl basynda ǵana jumysyn bastaǵan ortalyqqa oblys turǵyndarynan 12 myńnan astam ótinish túsken.</p>

«109» biryńǵaı baılanys ortalyǵynyń málimetine sáıkes, turǵyndar ortalyqqa ashyq qudyqtar, jylý júıesindegi aqaýlar, elektr jaryǵynyń úzilýi, qańǵybas ıtter, aýla abattandyrý syndy máseleler boıynsha jıi júginedi. Sonymen qatar balalardy balabaqshaǵa tirkeý, jol jóndeý jáne kóshelerdi jaryqtandyrý sekildi suraqtar da qarastyrylady.

— Ortalyq bıyl 11 aqpan kúni jumysyn bastady. Alǵashqyda ótinishter tek Qonaev qalasy men Talǵar aýdany boıynsha qabyldandy. 1 qarashadan bastap, oblystyń barlyq aýdandaryn qamtydyq, — dedi «Aqparattyq tehnologııalar ortalyǵy» dırektorynyń orynbasary Jánibek Serikuly.

Sondaı-aq, onyń aıtýynsha, ortalyqqa osy ýaqytqa deıin 12 259 ótinish túsken, onyń ishinde 12 090 ótinish ýaqtyly oryndalǵan. Qalǵan 169 ótinish quzyrly mekemelerdiń qaraýynda. Qazirgi tańda baılanys ortalyǵyna kúnine 50-70 ótinish kelip túsedi. Turǵyndardyń máseleleri 3 kún ishinde nemese onyń kúrdeliligine qaraı 15 kúnge deıin sheshiledi. «109» baılanys ortalyǵy táýlik boıy, demalyssyz jumys isteıdi.

Ótinishter birneshe baılanys quraldary arqyly qabyldanady:

• Instagram: @109konaevkz
• WhatsApp: [phone]
• Telegram chat-bot: https://t.me/konaevhelp

Eske salaıyq, buǵan deıin Almaty oblysynda jyl basynan beri Saýda jáne tutynýshylardyń quqyqtaryn qorǵaý departamentine 800-den astam ótinish kelip túskenin jazǵanbyz.