Almaty oblysynda 103 jastaǵy keıýana daýys berdi

<p>QONAEV. KAZINFORM &ndash; Kegen aýdany Uzynbulaq aýylyndaǵy №573 saılaý ýchaskesine bir áýlettiń bes býynynyń ókilderi kelip daýys berdi. 103 jastaǵy Kúlpara Shortanova, onyń 85 jastaǵy uly Marat, 50 -gi nemeresi Oljas, 25 jastaǵy shóberesi Beıbit jáne shóberesi Maral óz tańdaýlaryn jasady.</p>

Búgingi kún otbasy músheleri úshin úlken mánge ıe. Sebebi aıtýly kún urpaqtar sabaqtastyǵy men ajyramas baılanysyn, el erteńine árbir adamnyń úles qosýǵa degen umtylysyn kórsetti. Aıta keterligi, 18 jastaǵy Maral búgin alǵash ret daýys berdi.

Foto: Kegen aýdany ákimdigi

Shortanovtar otbasy aýyldyń kórkeıýine qosqan úlesimen tanymal. Balalary men nemereleri túrli salada – ustazdyqtan bastap, memlekettik qyzmetke deıin eńbek etedi. Uly Marat aýyldyq okrýg ákimi, nemeresi Oljas ta jergilikti memlekettik organdarda qyzmet atqarsa, shóberesi Beıbit alǵashqy áskerı daıyndyqtan sabaq beredi. Olardyń daýys berýge qatysýy urpaqtar arasyndaǵy baılanystyń, eldi kórkeıtý jolyndaǵy birliktiń sımvolyna aınaldy.

Eske sala keteıik, buǵan deıin Qyzylorda oblysynda 103 jastaǵy maıdanger tańdaýyn jasaǵanyn jazǵan bolatynbyz.