Almaty oblysynan aýlanǵan balyqty Qyrǵyzstandiki dep shetelge ótkizbek bolǵandar ustaldy

<p>ASTANA. KAZINFORM - Balyq óniminiń asa iri mólsherdegi ekonomıkalyq kontrabandasy boıynsha sotqa deıingi tergep-tekserýdi Qarjylyq monıtorıng agentiginiń Almaty oblysy boıynsha departamenti júrgizýde.</p>

Bul týraly agenttiktiń baspasóz yzmetinen málim boldy.

Sotqa deıingi tergeý 2022 jyldyń shilde aıy men 2023 jyldyń sáýir aıy aralyǵynda zańdy tulǵa Eýroodaq elderine 1 135 tonnadan asa kókserke súbesin eksporttaǵany anyqtaldy.

Eksporttaýǵa ruqsat alý úshin JShS basshylyǵymen kórineý jalǵan, balyqtyń Qyrǵyz Respýblıkasynan aýlanyp, elimizge kirgizilgendigin rastaıtyn veterınarlyq sertefıkat qoldanylǵan.

Alaıda, atalǵan balyq Almaty oblysynyń sý qoımalarynan ruqsat qujattarsyz aýlanǵany anyqtaldy.

Tergeý barysynda eksporttaýǵa daıyn 125 tonna kólemdegi balyq ónimin qoımaǵa túsirý faktisi anyqtaldy.

Tergep-tekserý jalǵasýda, ózge aqparat QR QPK-niń 201 babyna sáıkes jarııalaýǵa jatpaıdy.

Qarjylyq monıtorıng agenttigi ekonomıkalyq kontrabanda úshin zańmen jaýapkershilik kózdelgendigin eskertedi.