Almaty oblysyna demalýǵa kelgen jigitter qar qursaýynda qalǵan

<p>QONAEV. KAZINFORM &ndash; Almaty-Kegen tas joly boıynda kólikke mingen úsh jigit qar qursaýyna túsip, shyǵa almaı qalǵan.</p>

Almaty oblysy TJD-nyń málimetinshe, 15 naýryz túngi saǵat 00:05-te Kegen aýdany Almaty-Kegen tas jolynyń 70-shi shaqyrymynda «Mercedes-Benz» avtokóligine mingen úsh adam qar qursaýynda qalǵan. Olar jaqyn eldi mekenge evakýatsııalaýdy suraǵan.

Oqıǵa ornyna Almaty oblysy TJD-niń 6 qyzmetkeri men 2 birlik tehnıkasy jiberildi. Oqıǵa ornyna deıingi qashyqtyq 70 shaqyrymdy qurady.

«Qutqarýshylar oqıǵa ornyna jetken soń, 2004 jyly týǵan azamattardyń Shymkent qalasynan shyǵyp, Kólsaı kóline demalýǵa kelgeni, osylaısha qar qursaýynda qalyp qoıǵanyn anyqtady. Jas jigitter Kegen aýylyna jetkizildi, olarǵa medıtsınalyq kómek qajet bolǵan joq», - dep habarlady Almaty oblysy TJD baspasóz qyzmeti.