Jalaqy tólemegen: Almaty oblysynyń vetstantsııasy basshysyna aıyppul salyndy

<p>QONAEV. KAZINFORM - Almaty oblysynyń prokýratýrasy eńbek zańnamasyn saqtaý máselesi boıynsha turaqty túrde taldaý júrgizip turady.</p>

Taldaý barysynda Almaty oblysy boıynsha «Veterınarııalyq stantsııa» ShJQ MKK bıylǵy qańtarda 1 043 qyzmetkerge jalpy somasy 223 mln teńge jalaqy tólemegeni anyqtaldy.

«Prokýratýranyń qadaǵalaý aktisi boıynsha qyzmetkerler aldyndaǵy jalaqy tolyǵymen óteldi, joǵaryda atalǵan uıymnyń basshysy QR ÁQBtK 87-baby boıynsha 150 AEK (553 800 teńge) mólsherinde aıyppul salý arqyly ákimshilik jaýapkershilikke tartyldy, búgingi kúni basshy kórsetken somany ótedi», - dep jazdy baqylaýshy organnan.

Sonymen qatar, jalaqyny ýaqtyly tólemegen jaǵdaıda QR Ákimshilik quqyqbuzýshylyq týraly kodekstiń 87-baby, sondaı-aq QR Qylmystyq kodeksiniń 152-baby 3-bóligi boıynsha jaýapkershilik kózdelgenin eske salamyz.