Almaty oblysy polıtsııasynda kadrlyq ózgerister boldy

<p>ALMATY. KAZINFORM - Uıymdastyrýshylyq-shtattyq ózgeristerge baılanysty Qazaqstan Іshki ister mınıstriniń buıryǵymen Almaty oblysy Polıtsııa departamenti bastyǵynyń birinshi orynbasary bolyp polıtsııa polkovnıgi Serik Shalharov taǵaıyndaldy.</p>

Serik Shalharov 1974 jyly 7 tamyzda Ońtústik-Qazaqstan oblysynda dúnıege kelgen. Eńbek jolyn 1994 jyly bastaǵan. OQO men ІІM ortalyq apparatynda túrli basshylyq laýazymdarda jumys atqardy.

«Polkovnık Shalharov ózin kúrdeli mindetterdi tıimdi sheship, joǵary nátıjelerge qol jetkizýge qabiletti jáne jaýapty basshy retinde kórsetti», - dep habarlaıdy Almaty oblysynyń PD baspasóz qyzmeti.

Aıta keteıik, buǵan deıin Almaty halyqaralyq áýejaıynyń jańa prezıdenti bolyp Goker Kose taǵaıyndalǵanyn jazǵanbyz.