Almaty oblysy Іle aýdanynyń ákimi qamaýǵa alyndy – Antıkor

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttigi Almaty oblysy Іle aýdany ákimimen qatar birneshe tulǵany qamaýǵa aldy. Bul aqparatty agenttiktiń baspasóz qyzmeti rastady.</p>

«Sybaılas jemqorlyqqa qarsy qyzmet sotqa deıingi tergep-tekserý sheńberinde Almaty oblysynyń aýdan ákimi men basqa da tulǵalardyń áreketi áshkerelengenin rastaıdy. Sottyń sanktsııasymen kúdiktiler qamaýǵa alyndy. Tergeý jalǵasýda», - delingen Antıkor taratqan habarlamada.

Aıta ketsek, Antıkor ókili agenttik tilshisine Іle aýdanynyń ákimi ekenin rastady.

Sondaı-aq, Qylmystyq-protsestik kodekstiń 201-babyna sáıkes ózge aqparat taratýǵa jatpaıtyndyǵy aıtyldy.

Osyǵan deıin sońǵy 3,5 jylda jol jóndeý salasynda 65 sybaılas jemqorlyq deregi anyqtalǵany týraly jazdyq.