Almaty oblysy: Kókpek pen Kegen aýylynyń aralyǵyndaǵy jol jabyldy

<p>TALDYQORǴAN. KAZINFORM &mdash; Búgin tabıǵattyń tosyn minezi saldarynan respýblıkanyń birneshe aýmaǵyndaǵy joldar jabylyp jatyr.</p>

Almaty oblysyna qarasty Kegen aýylyna aparar kúre jolǵa da kóliktiń barlyq túrleri úshin shekteý qoıyldy. «QazAvtoJol» ókilderi taratqan málimetke súıensek 15 jeltoqsan kúni Astana ýaqytymen saǵat 23:30–da aýa-raıynyń buzylýyna baılanysty
«Kókpek — Kegen — Túp» avtojolynyń 0-72 shaqyrym aralyǵy (Kókpek aýylynan Kegen aýylyna deıin) jabyldy.

Jolǵa jaýaptylar qolaısyz aýa-raıynda jolaýshylarǵa saparǵa shyqpaýdy, qaýipsizdik sharalaryn qatań saqtaýdy eskertedi. Eske salaıyq osyǵan deıin Aqmola oblysynda aýa raıynyń qolaısyzdyǵynan 1 500-den astam kóliktiń jolda qalǵanyn jazǵanbyz.