Almaty oblysy Eńbekshiqazaq aýdanyna jańa ákim taǵaıyndaldy

<p>QONAEV. KAZINFORM - QR Prezıdenti Ákimshiliginiń jáne Eńbekshiqazaq aýdandyq máslıhaty depýtattarynyń kelisimi boıynsha Almaty oblysy ákiminiń ókimimen Talǵat Eskendiruly Baıedilov Eńbekshiqazaq aýdanynyń ákimi bolyp taǵaıyndaldy.</p>

Talǵat Baıedilov 1972 jyly týǵan, qazaq, bilimi joǵary, 1998 jyly Qazaq memlekettik basqarý akademııasyn bitirgen.

Eńbek jolyn 1992 jyly Almaty oblysy Kegen aýdany Jalańash aýylynda «Toǵyzbulaq» kolhozynda bastaǵan.

Ár jyldary «Qazaqstan Temir joly» respýblıkalyq memlekettik kásiporynynyń «Almaty» qarjy-ekonomıkalyq ortalyǵynyń esepshisi, salyq esebi jáne baqylaý bóliminiń ekonomısi, «Kazpochta» Aktsıonerlik Qoǵamynyń Іle aýdandyq poshta baılanysy torabynyń bastyǵy, Raıymbek aýdany Qarabulaq selolyq okrýginiń ákimi, Raıymbek aýdany ákimi apparatynyń basshysy, Raıymbek aýdany ákiminiń orynbasary, Kegen aýdanynyń ákimi laýazymdaryn atqarǵan.

2023 jyldyń naýryz aıynan Almaty oblystyq maslıhatynyń tóraǵasy boldy.

«Eren eńbegi úshin» medalimen marapattalǵan.