Almaty oblysy: Dolan aýylynyń turǵyndary kóshelerdiń birin jaýyp tastady

<p>QONAEV. KAZINFORM &ndash; Birneshe kúnnen beri aýyz sýsyz otyrǵan Almaty oblysy Qarasaı aýdany Dolan aýylynyń turǵyndary narazylyqqa tanytyp, aýyl kósheleriniń birin jaýyp tastady. Oqıǵanyń beınejazbasy áleýmettik jelide <a href="https://t.me/letterskz/122" target="_blank" rel="noopener">tarady</a>.&nbsp;</p>

Jelidegi beınejazbadan narazylyq bildirip, kóshedegi kólikterdiń jolyn qıǵan turǵyndardy tártip saqshylarynyń taratýǵa tyrysqanyn kórýge bolady.

Qarasaı aýdanynyń ákimdigi 11 tamyz kúni tereń uńǵyma sorǵysynyń isten shyǵýyna baılanysty aýyz sý berý toqtaǵanyn habarlady.

- Dolan aýylyndaǵy sý qubyry bıyl sáýir aıynan beri «Bey AzhTrans» JShS qaramaǵynda. 11 tamyz kúni keshkisin tereń uńǵyma sorǵysynyń isten shyǵýyna baılanysty aýyz sý berý toqtaǵan edi. Tereń uńǵymadaǵy sorǵy jańasyna aýystyryldy. Qazir ortasha qysymmen sý berilip jatyr, - dep habarlady aýdan ákimdiginen.

Eske salaıyq, buǵan deıin Qonaev qalasynda kúndiz basseınge sý toltyryp, gazon sýarýǵa tyıym salynǵanyn jazǵanbyz.