Almaty oblysy boıynsha 500 erikti sý tasqynynan zardap shekken óńirlerge jumyldyryldy

<p>ASTANA. KAZINFORM &ndash; Almaty oblysynyń 9 aýdany men 1 qalasyndaǵy &laquo;Kúshimiz birlikte&raquo; volonterlik front-ofısteri, sondaı-aq, &laquo;Amanat&raquo; partııasy, Qoǵamdyq kelisim jáne damý ortalyǵy, Qazaqstan musylmandary dinı basqarmasy, &laquo;Jastar rýhy&raquo;, oblystyń belsendi azamattary, kásipkerler men qoǵamdyq birlestikter 230 tonnadan astam gýmanıtarlyq kómek jınap, Batys Qazaqstan oblysy, Oral qalasy, Atyraý oblysyna 230 tonna jetkizdi.</p>

Bul týraly Ortalyq kommýnıkatsııalar qyzmetinde ótken brıfıngte Almaty oblysy volonterler front-ofısiniń basshysy Maqsat Keneshov baıanadady.

Belgili bolǵandaı, Almaty oblysy atynan Batys Qazaqstan oblysy Oral qalasyna 15 volonter kómekke barǵan. Jalpy 9 aýdan, 1 qala boıynsha 3 apta kóleminde 500 volonter jumys atqarǵan.

«QTJ arqyly 130 tonna jóneltilse, júk kólikteri arqyly 100 tonna jetkizildi. Sondaı-aq zardap shekken aımaqtarǵa qutqarý jumystaryna arnalǵan 171 tehnıka jiberilip, «Qazaqstan halqyna» jáne «Demeý Qazaqstan» qorlaryna 48 mln teńge qarjylyq kómek aýdaryldy», – dedi M. Keneshov.