Almaty oblysy aýdanaralyq sottyń sýdıasy sottaldy

<p>ASTANA. KAZINFORM - Almaty oblysynyń Mamandandyrylǵan aýdanaralyq ekonomıkalyq sotynyń sýdıasy sottaldy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti.&nbsp;</p>

Aǵymdaǵy jyldyń 17 qańtarynda Almaty oblysynyń Mamandandyrylǵan aýdanaralyq ekonomıkalyq sotynyń sýdıasy A. Abdrahmanovqa jáne basqa da adamdarǵa qatysty úkim shyǵaryldy.

Sýdıanyń zańsyz qyzmetin buǵan deıin Sybaılas jemqorlyqqa qarsy qyzmet Joǵarǵy Sotpen birlesip toqtatqan.

A. Abdrahmanov Qarasaı aýdany Memlekettik kirister basqarmasynyń Óndirip alý bóliminiń basshysy A. Asılbekovtyń kómegimen eki JShS-ti bankrot dep tanyǵany úshin kásipkerden para aldy dep aıyptaldy.

Qonaev qalalyq sotymen A. Abdrahmanov 4 jyl merzimge bas bostandyǵynan aıyryldy.

A. Asılbekovke 122,5 mln teńge aıyppul túrinde jaza taǵaıyndaldy.

Para berýshi 3 jyl 6 aı merzimge bas bostandyǵynan aıyrýǵa sottaldy.

Sottalǵandar ómir boıy memlekettik qyzmette qyzmet atqarý quqyǵynan aıyrylady.

QR QK 41-babyna sáıkes aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylady.

Sot úkimi zańdy kúshine engen joq.