Almaty oblysy ákimdiginde kadrlyq aýys-túıis boldy

<p><span style="font-family: sans-serif; font-size: 18px;">Almaty oblysynda Mádenıet, arhıvter jáne qujattama basqarmasynyń, sondaı-aq ákim apparatynyń basshylary taǵaıyndaldy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Almaty oblysy ákiminiń ókimimen jáne QR Memlekettik qyzmet isteri agenttiginiń kelisimimen Danııar Alıev oblystyń Mádenıet, arhıvter jáne qujattama basqarmasynyń basshysy laýazymyna taǵaıyndaldy.

Danııar Abzalıdenuly 1986 jyly týǵan, bilimi joǵary, 2008 jyly Abaı atyndaǵy Qazaq ulttyq pedagogıka ýnıversıtetinde «tarıh» mamandyǵy, 2010 jyly Abaı atyndaǵy Qazaq ulttyq pedagogıka ýnıversıtetinde «tarıh magıstri», 2020 jyly «Almaty» ýnıversıtetinde «quqyq» mamandyǵy boıynsha bilim alǵan.

Eńbek jolyn 2008 jyly Qazaqstan Respýblıkasynyń ortalyq memlekettik muraǵatynda qor saqtaý bóliminiń meńgerýshisi bolyp bastaǵan.

Ár jyldary Almaty qalasy tarıhynyń murajaıynda ǵylymı qyzmetker, bólim meńgerýshisi, Almaty qalasy Mádenıet basqarmasynyń bas mamany, basqarma basshysynyń orynbasary, «Nur Otan» partııasynyń Almaty qalasy boıynsha fılıalynda konsýltant, bólim meńgerýshisi boldy.

2022 jyldyń qyrkúıek aıynan QR Mádenıet jáne aqparat mınıstrliginde komıtet tóraǵasynyń orynbasary laýazymyn atqardy.

Sondaı-aq QR Prezıdenti Ákimshiliginiń kelisimimen Murat Baqytkerimuly Mádiǵulov oblys ákimi apparatynyń basshysy qyzmetine keldi.

Murat Baqytkerimuly 1978 jyly týǵan, bilimi joǵary, 2000 jyly Qazaq memlekettik agrarlyq ýnıversıtetin «mal sharýashylyǵy menedjeri», 2006 jyly І. Jansúgirov atyndaǵy Jetisý memlekettik ýnıversıtetin «esep jáne aýdıt», 2017 jyly Qazaq ulttyq agrarlyq ýnıversıtetin «quqyq magıstri» mamandyǵy boıynsha bitirgen.

Eńbek jolyn 2000 jyly «Rýbı-Roz Agrıkol» JShS fılıalynyń zootehnıgi bolyp bastap, keıinnen zootehnıktiń kómekshisi retinde eńbek etken. Ár jyldary QR AShM Alakól aýdandyq aımaqtyq basqarmasynyń bas maman – memlekettik ınspektory, QR AShM Almaty oblystyq aýmaqtyq basqarmasynyń jetekshi mamany, bas mamany, oblystyq Ekonomıka jáne bıýdjettik josparlaý basqarmasynyń bas mamany, Aýyl sharýashylyǵy basqarmasynyń bólim basshysy, basqarma basshysynyń orynbasary, oblys ákimi apparatynda bas ınspektor, apparat basshysynyń orynbasary, Jambyl aýdany ákiminiń orynbasary, oblystyq Eńbek ınspektsııasy jónindegi basqarma basshysynyń orynbasary, Іle aýdany ákiminiń orynbasary laýazymdaryn atqarǵan.

2021 jyldyń naýryz aıynan Іle aýdany ákiminiń orynbasary boldy.