Almaty metrosyn salý kezinde 5 mlrd teńge jymqyrý isi: Sot aıyptalýshy taraptyń ótinishin qabyldamady

<p>ALMATY. KAZINFORM - Almaly aýdandyq sotynda megapolıstegi &laquo;Sary arqa&raquo; jáne &laquo;Baýyrjan Momyshuly&raquo; jańa metro stansalarynyń qurylysy kezindegi bes mıllıard teńgeniń urlanýyna qatysty sot protsesi jalǵasyp jatyr.</p>

Іs boıynsha sotqa 10 aıyptalýshy qatysty. Atap aıtar bolsaq, olar — «Metropolıten» memlekettik kásipornynyń burynǵy dırektory Erbol Ábildınov, sondaı-aq merdiger uıymdar – «Almatymetroqurylys» AQ jáne «Avtomattandyrý jáne tehnologııalar servısi» JShS laýazymdy tulǵalary.

Sotqa deıingi tergep-tekserý organdary sottalýshylardy Almaty metrosynyń jańa jelisin salý kezinde qyzmetterin paıdalana otyryp, 5,089 mlrd tenge jymqyrdy dep aıyptady. Ol úshin olar jalǵan baǵa usynystaryn jınaýdy uıymdastyryp, solardyń negizinde qunynan on ese joǵary baǵaǵa qural-jabdyqtardy satyp alýdyń smetasyn jasaǵan.

Kezekti sot otyrysynda úsh aıyptalýshynyń advokattary sotqa keshendi ekonomıkalyq, taýarlyq jáne elektrotehnıkalyq saraptamasyn taǵaıyndaý týraly ótinishhat joldady.

Prokýror qylmystyq is materıaldary sottalýshylardyń kinásin tolyq dáleldedi dep esepteıtindikten, sottan ótinishti qanaǵattandyrýdan bas tartýdy surady.

Ol is boıynsha qyrýar sot saraptamalary júrgizilgenin, sot barysynda sarapshylardyń ózderinen de jaýap alynǵanyn jáne olar óz qorytyndylaryn rastaǵanyn atap ótti.

Bul pikirge zardap shekkender men memlekettik memlekettik kirister departamenti ókilderi de qosyldy.

«Sot protseske qatysýshylardyń pikirin tyńdaı otyryp, advokattardyń ótinishteri mynadaı negizder boıynsha bas tartýǵa jatady dep sanaıdy: Qylmystyq is júrgizý kodeksiniń 287-baby 3-bóliginiń talaptaryna sáıkes, -saraptama aldyńǵy saraptama qorytyndysy jetkilikti túrde dáleldenbese, qorytyndylary kúmán týdyratyn bolsa nemese saraptamany taǵaıyndaý men júrgizý barysynda erejeler buzylsa, sol obektilerdi zertteý jáne sheshý úshin taǵaıyndalady. Sondaı-aq, Qylmystyq is júrgizý kodeksiniń 282-babynyń 1-bóligine sáıkes, keshendi saraptama is úshin mańyzy bar mán-jaıdy anyqtaý úshin ártúrli bilim salalaryna negizdelgen zertteýler qajet bolǵan kezde taǵaıyndalady jáne ony ártúrli saladaǵy sarapshylar júrgizedi», - dedi Almaly aýdandyq sotynyń sýdıasy Esen Óstelbaev.

Ol sot otyrysynda sarapshylardan jaýap alynǵanyn aıtyp, olar óz qorytyndylaryn dáleldegenin jetkizdi.

«Saraptamalardy taǵaıyndaý jáne júrgizý kezinde sot is júrgizý normalarynyń aıtarlyqtaı buzylýyn anyqtaǵan joq. Sot qosymsha keshendi saraptama men zertteýlerdi júrgizýge negiz joq»,- dedi sýdıa.

Aıta keteıik, «Metropolıten» KMK-da 5 mlrd teńge jymqyrý deregi boıynsha tergeý 2023 jyly 28 tamyzda aıaqtaldy. Tergeý nusqasy boıynsha kúdiktiler Almaty qalasynyń jańa metropolıten jelisin salý kezinde úlken basqarý fýnktsııalaryna ıe bolǵan.

Dál osy ókilettikter olarǵa qylmystyq jaǵdaı jasap, 5 mlrd teńgeni urlaýǵa múmkindik bergen. Ol úshin olar jalǵan baǵa usynystaryn jınaýdy uıymdastyrǵan jáne sonyń negizinde jabdyqty baǵadan 10 ese joǵary baǵamen satyp alý smetasy jasalǵan. Keıin urlanǵan aqshalar jalǵan kásiporyndar arqyly qolma-qol aqshaǵa aınalyp otyrǵan.

Urlanǵandy qaıtarý úshin qymbat úsh páter, Almatydaǵy ofıstik keńse, Almaty oblysynda jer ýchaske, lıýks avtokólikter, brendti saǵattar jáne kúdiktilerdiń basqa da aktıvterine arest salyndy.