Almatyda metro nege júrmeı qaldy

<p>ALMATY. KAZINFORM &ndash; Almaty metropolıteni 26 qańtar kúni tańerteń qaladaǵy metronyń nelikten jumys istemegenin túsindirdi.</p>

Áleýmettik jelide metro mańyna jınalyp qalǵan adamdardyń vıdeosy tarady.

«Tańǵy saǵat 7:30-da metro jumys istemedi, kóp adam jınaldy. Sebebin bilmeımin», - dep jazdy jeli qoldanýshy.

Almaty metropolıteni jaǵdaıdy túsindirdi.

26 qańtar tańǵy ýaqytta Raıymbek beketinde aqparattyq baılanys jelisiniń jumysynan aqaý tabylýyna baılanysty metro poıyzdary qolmen basqarý rejımine aýystyryldy.

«Osy oraıda barlyq beketterde poıyzdardyń júris ıntervaly ýaqytsha uzardy. Bul metrodaǵy júrý qaýipsizdigine esh áser etken joq. Mamandar jumys jasap, kóp uzamaı úırenshikti ınterval qaıta qalpyna keldi. Qolaısyzdyq úshin keshirim ótinemiz»,- dep habarlady metropolıteninen.