Almaty metropolıteni saýda núktesin jalǵa alýshylardy zańsyz salyq tóleýge májbúrlegen

<p>ALMATY. KAZINFORM &mdash; Almaty metropolıten basshylyǵy salyq shyǵyndaryn saýda alańdaryn jalǵa alýshylar esebinen óteýdi kózdep, zańsyz talaptar qoıǵan. Kólik prokýratýrasy tekseris barysynda kásipkerlerdiń quqyǵy buzylǵanyn anyqtaǵan. Bul týraly Bas kólik prokýratýrasy málimdedi.</p>

Almaty qalasynyń «Metropolıten» ShJQ KMK-ǵa júrgizilgen tekseris nátıjesi kásipkerlerden zańsyz qosymsha tólem alynǵanyn kórsetip berdi.

Atap aıtqanda, metropolıten basshylyǵy salyq shyǵyndaryn saýda alańdaryn jalǵa alýshylar esebinen óteýge sheshim qabyldap, ol úshin olardy qosymsha kelisimder jasaýǵa májbúr etken, - delingen habarlamada.

Prokýratýranyń qadaǵalaý aktisi boıynsha salyq tólemderin jabý bóligindegi zańsyz talaptar kelisimderden alynyp tastaldy, al kásipkerlerge 12,5 mln teńge qaıtaryldy. Bul áreketterden barlyǵy 11 kásipker zardap shekken bolatyn.

Kólik prokýratýrasy baılanystary BKP resmı saıtynda ornalastyrylǵan kásipkerlerdiń quqyqtaryn qorǵaý jónindegi mobıldi toptarǵa júginý múmkindigine nazar aýdarady.

Eske sala keteıik, buǵan Almaty metrosymen bir kúnde 100 myń adam qatynaıtynyn jazǵan bolatynbyz.