Almaty men Jetisý sıntetıkalyq esirtki óndirisiniń ordasyna aınalyp barady

<p>ASTANA. KAZINFORM &ndash; Jyl basynan beri elimizdiń aýmaǵynda 33 esirtki zerthanasy joıyldy. Bul jaıynda Májilistiń janyndaǵy Qoǵamdyq palata otyrysynda Іshki ister mınıstriniń birinshi orynbasary Marat Qojaev aıtty.</p>

«Eldegi esirtki ahýaly úsh negizgi faktorǵa baılanysty: ózimizde ósetin kanabıs shıkizatynyń bolýy, soltústik baǵyt boıynsha aýǵan geroıniniń trafıgi, sıntetıkalyq preparattardyń taratylýy. Ásirese, ońtústik óńirlerimiz iri kólik-logıstıkalyq toraptarda ornalasqan — Almaty qalasy, Almaty, Jetisý oblystary. Bıyl atalǵan oblystarda sıntetıkalyq esirtki óndiretin zerthanalardyń negizgi bóligi baıqaldy. Jyl basynan beri quqyq qorǵaý jáne arnaıy organdarmen 33 esirtki zerthanasy joıyldy. 10 tonnadan astam preskýsorlar tárkilendi. Osylaısha, tutynýǵa daıyn 1 tonna esirtki zatynyń óndirisine jol berilmedi. Bul — shamamen 3 mln bir rettik doza jáne myńdaǵan qutqarylǵan ómir», — dedi Marat Qojaev.

Onyń dereginshe, osy jyldyń 4 aıynda esirtkige qatysty 2 729 quqyq buzýshylyq, onyń ishinde 1 117 qylmys áshkerelendi. 

«734 esirtki satý, 179 iri kólemde esirtki saqtaý faktisi anyqtaldy. Esirtki bıznesi salasynda uıymdasqan qylmystyq topty qurǵany jáne basshylyq jasaǵan úshin 11 qylmystyq is qozǵaldy. 2 myń tonnaǵa jýyq esirtki, onyń ishinde 234 keli sıntetıkalyq esirtki tárkilendi. Sońǵy 5 jyldyń ishinde tutynýǵa daıyn sıntetıkalyq esirtkini tárkileý kólemi 10 keliden 1 tonnaǵa deıin kúrt artty», — dedi mınıstrdiń birinshi orynbasary.