Almaty men Astana ómir súrý sapasy boıynsha Máskeýdi basyp ozdy

<p>ALMATY. KAZINFORM &ndash; Oksford Ekonomıks analıtıkalyq kompanııasy álemdegi eń iri 1000 qalanyń jahandyq ındeksin jarııalady. Búginde álem halqynyń 30 paıyzy, sondaı-aq álemdik ekonomıkanyń 60 paıyzǵa jýyǵy iri qalalarǵa tıesili.</p>

Jahandyq reıtıng boıynsha, kóshbasynda:

- Nıý-Iork (AQSh)

- London

- San-Hose (AQSh)

- Tokıo

- Parıj

- Sıetl (AQSh)

- Los-Andjeles (AQSh)

- San-Frantsısko (AQSh)

- Melbýrn (Avstralııa)

- Tsıýrıh (Shveıtsarııa) tur.

Sarapshylar atap ótkendeı, jahandyq qala ındeksi oǵan Qazaqstannyń 3 megapolısi: Almaty, Astana jáne Shymkent kiretindigimen erekshelenedi. 

Almaty men Astana, Oksford Ekonomıks sarapshylarynyń baǵalaýy boıynsha, úzdik 300 qalanyń qataryna enip, 305-orynda turǵan Reseı astanasy Máskeýdiń aldyna shyqty.

«Mysaly, Almaty adam kapıtaly boıynsha 55-shi orynda bolsa, Máskeý 115-shi orynda. Sonymen qatar, Oksford Ekonomıks mamandarynyń baǵalaýynsha, Almaty men Astana ómir súrý sapasy boıynsha Reseı astanasyn basyp ozdy», - dep atap ótti Ekonomıkalyq zertteýler ınstıtýty.

Indeksterdi esepteýde barlyǵy 27 kórsetkish qoldanylady. Mysaly, aýa tazalyǵy, temperatýra, jaýyn-shashyn aýytqýlary, ekologııa jaǵdaıy, tabıǵı apattar syndy krıterılermen anyqtalady.

Adamı kapıtal kelesi kórsetkishterden qalyptasady: bilim deńgeıi, halyqtyń ósimi, ýnıversıtetter, halyqtyń jas erekshelikteri, kompanııanyń shtab-páteri, shetelde týǵan halyq.