Almaty men Astana arasyndaǵy jol kelesi jyly bitedi

<p>Kólik mınıstrligi jol jobalarynyń iske asyrylý merzimine áser etetin negizgi faktorlardy atady.<strong> </strong>Conymen qatar Astana-Almaty baǵytyndaǵy tasjoldy rekonstrýktsııalaý jumysy 2024 jyldyń sońyna deıin tolyǵymen aıaqtalatynyn málim etti, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform.&nbsp;</a>&nbsp;</p>

Astana-Almaty avtojoly – ońtústik óńirdi Qazaqstannyń ortalyǵymen baılanystyratyn negizgi baǵyt.

Atalǵan dálizdi rekonstrýktsııalaý barysynda 4 jolaqty qozǵalysy bar I tehnıkalyq sanatqa aýystyrý jumystarymen qamtý arqyly 946 shaqyrym jol qarastyrylǵan. Onyń 874 shaqyrymynda (92 paıyz) jańa jabyn salynyp, kóliktiń kedergisiz qozǵalysy qamtamasyz etildi.

Ortalyq-Ońtústik dálizi «Qaraǵandy-Balqash», «Balqash-Býrylbaıtal», «Býrylbaıtal-Kúrti» syndy negizgi úsh ýchaskege bólingen. Atap aıtqanda, uzyndyǵy 363 km bolatyn «Qaraǵandy-Balqash» ýchaskesi boıynsha jol tolyǵymen qoldanysqa berilgen. Qalǵan jumystardy 2024 jyly aıaqtaý josparlanýda. Jalpy uzyndyǵy 288 shaqyrym bolatyn «Balqash-Býrylbaıtal» segmentiniń 127 shaqyrymynda bıyl jumystar tolyq kólemde aıaqtalyp, paıdalanýǵa berildi. Uzyndyǵy 72 km ýchaskeni qospaǵanda, 161 shaqyrymda qozǵalys asfaltbeton jabyny boıynsha qamtamasyz etilgen. Jumystardy kelesi jyly tolyq aıaqtaý josparlanyp otyr.

Jalpy uzyndyǵy 295 km bolatyn Býrylbaıtal-Kúrti ýchaskesinde bıyl uzyndyǵy 81 km ýchaske paıdalanýǵa berildi. Qalǵan 214 km-de jańadan salynǵan asfaltbeton jabyny boıynsha qozǵalys ashyldy.

Jol jobalarynyń iske asyrylý merzimderine negizgi jol-qurylys materıaldary baǵasynyń kúrt aýytqýy, qurylys maýsymyndaǵy jol bıtýmynyń tapshylyǵy máseleleri áser etken. Keıbir jaǵdaılarda kelisimsharttyq mindettemelerdi josyqsyz oryndaý, jumys kestesin buzý, bul saıyp kelgende kelisimsharttardy buzýǵa ákeledi. Máselen, bıyl uzyndyǵy 85 km Kúrti-Býrylbaıtal ýchaskesinde, uzyndyǵy 46 km Balqash-Býrylbaıtal ýchaskesinde jańa merdigerler anyqtalyp, atalǵan ýchaskelerde bıyl qurylys-montajdaý jumystary júzege asyryla bastady.

Atalǵan qıyndyqtarǵa qaramastan bıyl Astana-Almaty jobasynda asfaltbeton tósemimen júrý qamtamasyz etildi. Jalpy 2024 jyldyń sońyna deıin barlyq 4 jolaq boıynsha qozǵalysty qamtamasyz ete otyryp, jobany aıaqtaý josparlanyp otyr.