Almaty men Almaty oblysyndaǵy jer silkinisi: TJM málimdeme jasady
«Qazseldenqorǵaý» ATETÝ mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zerttep shyqty.
Sondaı-aq, Almaty qalasynyń patrýldik polıtsııa qyzmetkerleri tirshilikti qamtamasyz etý nysandaryn aralap, tekserý jumystaryn júrgizdi.
«Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys isteıdi. TJM jelisi boıynsha qıraýlar men zardap shekkender týraly málimet túsken joq. Jaǵdaı turaqty», — dep habarlady TJM baspasóz qyzmetinen.
Qala turǵyndarynan «112» jelisine aqparattyq sıpattaǵy 50-ge jýyq qońyraý kelip tústi.
Almaty oblysynyń TJD komandalyq ortalyǵynyń bazasynda jedel jeli telefony ashyldy: 8 (7277) 22-60-97.
Aıta keteıik, búgin saǵan 10:00-de Almaty turǵyndary jer silkinisin sezindi.
Osyǵan deıin Qazaq qurylys jáne sáýlet ǵylymı zertteý jáne jobalaý ınstıtýtynyń óndiris jónindegi basqarýshy dırektory, tehnıka ǵylymdarynyń kandıdaty Eraly Shoqbarovtyń «elde qazir salynyp jatqan kópqabatty úıdiń bári qaýipsiz» degen pikirin bergen edik.