Almaty mektepterine 200 psıholog jetispeıdi

<p>ALMATY. KAZINFORM &ndash; Almatyda ınklıýzııany jaqsartý úshin psıhologter men defektologterdi daıarlaý baǵdarlamasy engiziledi. Bul týraly Erbolat Dosaev Túrksib aýdanynyń turǵyndarymen kezdesý barysynda aıtty.</p>

Túrksib aýdany turǵyndary qala ákimine №61 mektepte bilikti psıhologterdiń joqtyǵyn aıtty.

Foto: Almaty ákimdigi

Qala basshysynyń aıtýynsha, Almatyda shamamen 200 psıholog mamanǵa suranys bar.

Bul máseleni sheshý úshin psıhologter, defektologter jáne logopedterdi daıarlaý baǵdarlamasy bastaldy. Osy maqsatta zamanaýı tájirıbelerdi zertteý boıynsha ártúrli ınstıtýttarmen yntymaqtastyq máseleleri talqylanyp jatyr. Baǵdarlamanyń maqsaty - jańa syn-qaterlerdi eskere otyryp, psıhologterdiń negizgi bilimin jańa talaptarǵa sáıkes kóterý.

Foto: Almaty ákimdigi

«Biz eńbekaqy tóleýdiń jeke júıesin engizýdi josparlap otyrmyz, sondaı-aq balalarmen jumys isteýge jastardy tartýymyz kerek. Baǵdarlamada ınklıýzııaǵa erekshe kóńil bólinedi, bul máseleni tereńirek túsinýge jáne bolashaqta olardy sheshý boıynsha jumystardy uıymdastyrýǵa kómektesedi. Bıyl biz daıyndyq jumystaryn aıaqtaımyz, al kelesi jyly №61 mektep pılottyq joba bolady, onda balalar arasyndaǵy qarym-qatynastardy ózgertý men býllıngpen kúresýdiń ádisterin kórsetemiz», - dedi Erbolat Dosaev.