Almaty marafonyna bıyl 2 myń sheteldik qatysady

<p>ALMATY. KAZINFORM - Óńirlik kommýnıkatsııalar qyzmetiniń alańynda 29 qyrkúıek kúni Almatyda marafon ótetini habarlandy. Oǵan Ulybrıtanııa, AQSh, Qytaı, Reseı, Qyrǵyzstan, Ózbekstan, BAÁ, Indonezııa jáne Frantsııa sekildi álemniń 50-den astam elinen sportshylar qatysady dep josparlanǵan.&nbsp;</p>

Bıyl marafonǵa 15 myńnan astam qatysýshy jınalady dep kútiledi. Qatysýshylardyń joly Respýblıka alańynan bastalyp, Ál-Farabı dańǵylymen jalǵasady.

- Marafonǵa qatysatyn adamdardyń 2 myńǵa jýyǵy sheteldikter bolmaq. Іs-shara AIMS halyqaralyq starttar men júgirýler qaýymdastyǵyna engizilgen, bul uıymdastyrýdyń joǵary sapasyna jáne halyqaralyq standarttarǵa sáıkestigine kepildik beredi. Marafon trassalary World Athletics talaptaryna sáıkes sertıfıkattalǵan. Qansha jyl ótse de, Almaty marafony sheteldik qatysýshylardyń nazaryn aýdarýdy toqtatqan emes», - dedi «Birinshi bolý batyldyǵy» korporatıvtik qorynyń atqarýshy dırektory Saltanat Qazybaeva.

Bıylǵy marafonnyń negizgi qashyqtyqtary kelesideı:

- Marafon qashyqtyǵy - 42,2 km.

- Jartylaı marafon - 21 km.

- Júgirýdiń qysqa qashyqtyǵy - 10 km.

- Skandınavııalyq serýendeý - 10 km.

- Ekıden komandalyq estafetasy.

Eske salaıyq, bıyl mamyr aıynda Astanada aýtızmge shaldyqqan balalardy qoldaý qaıyrymdylyq marafony ótken bolatyn. 

Kenııada Olımpıadaǵa qatysqan marafonshyny benzın quıyp, órtep jibergenin jazǵanbyz.