Almaty mańyndaǵy jerler birtindep memleketke qaıtarylyp jatyr

<p>QONAEV. KAZINFORM &mdash; Qonaevta Memleket basshysy Qasym-Jomart Toqaevtyń tapsyrmasyna sáıkes paıdalanylmaǵan jerlerdi memleketke qaıtarý jumysy júrip jatyr.</p>

Qalalyq jer qatynastary bóliminiń málimetinshe, jyl basynan beri apellıatsııa sotynyń sheshimimen 500 gektar, óz erkimen jerdi ıelený quqyǵynan bas tartý boıynsha 5,177 ga, jer paıdalaný quqyǵy toqtatylǵan 2133,7 ga jer memleketke qaıtarylǵan. 

Al ótken jyly 15 myń ga jer memlekettiń menshigine ótken.

«Bul baǵyttaǵy jumys aldaǵy ýaqytta da jalǵasyn tabady. Qazirdiń ózinde jalpy kólemi 1 430 gektardy quraıtyn 5 is qaralyp jatyr. Aıta keteıik, byltyr Almaty oblysynda 224 myń gektar jer memleketke qaıtarylǵan bolatyn» dep habarlady Qonaev qalasy ákimdiginiń baspasóz qyzmeti.