Almaty mańyndaǵy ózen-kólderde sý deńgeıi kóterilip, sel júrýi múmkin

<p>ALMATY. KAZINFORM &mdash; Almatyda aýa raıyna baılanysty eskertý jarııalandy.&nbsp;</p>

«Qazgıdromet» RMK jarııalaǵan eskertýge sáıkes, Almaty qalasynda 5-7 shilde aralyǵynda qatty jaýyn-shashynǵa baılanysty ózen-kólderde sý deńgeıi kóterilip, qaýipti belgilerden asqan jaǵdaıda taý bókteri men soǵan jaqyn aýdandarda sý tasqyny bolýy múmkin. Osyǵan baılanysty tótenshelikter turǵyndardy Úlken, Kishi Almaty, Qarǵaly, Aqsaı ózenderiniń jaǵalaýlaryna jaqyndamaýdy suraıdy.

Sınoptıkterdiń boljaýynsha, Soltústik Batystan soǵatyn jeldiń ekpini sekýndyna 15-20 metrge deıin jetedi. 

Aldaǵy táýlikterde Qazaqstannyń basym bóligi tsıklonnyń yqpalynda bolady. Naızaǵaı jarqyldap, jańbyr jaýyp, daýyldy jel soǵady. Elimizdiń batys jáne ońtústik óńirleri áli de antıtsıklonnyń yqpalynda bolyp, jaýyn-shashynsyz aýa raıy saqtalady.