Almaty mańyndaǵy eki myńdaı esek Qytaıǵa eksporttaldy ma

<p>ALMATY. KAZINFORM &ndash; Almaty oblysynda Qytaıǵa tirideı eksporttaý maqsatynda 1700-den astam esek asyrataıtyn qojalyq qurylǵan bolatyn.</p>

Alaıda sharýanyń aıtýynsha, olardy sata almaǵan.

– Úı janýralary endi fermada joq. Ókinishke qaraı, biz olardy eksporttaı almadyq, satylmady. Biz olardy tegin bere saldyq,– dep jaýap berdi Kazinform agenttiginiń tilshisine esek ósirýmen aınalysqan ferma ıesi Maksım Pojıgaılov.

Kásipker kommertsııalyq qupııany alǵa tartyp, maldy kimge bere salǵandaryn aıtpady.

Eske salaıyq, byltyr áleýmettik jelide fermadaǵy esek eti qala men jaqyn mańdaǵy dámhanalarǵa satylatyny týraly aqparat taraǵan edi.

Keıin sharýashylyq qandaı maqsatta, qashan ashylǵanyn anyqtaý úshin Kazinform tilshisi megapolıs mańynda ornalasqan fermaǵa baryp qaıtty.

Foto: Aleksandr Pavskıı/Kazinform

Almaty oblysy Jambyl aýdany ákimdiginiń málimetine sáıkes, sharýa qojalyǵynda alǵashqy kezde malǵa azyq bolatyn daqyldardy ósirý josparlanǵan. Bul málimetti «KazAgroMaks» qojalyǵynyń ıesi Maksım Pojıgaılov ta rastady.

Onyń aıtýynsha, kásipker 1400 ga jerdi 2024 jyldyń aqpan aıynda sheteldik ınvestorlardyń kómegimen satyp alǵan.

Sondaı-aq ferma ıesi sharýa qojalyǵynda agrarlyq ispen qatar tuıaqty janýarlardy baǵyp, olardy tirideı shetelge eksporttaý josparlanǵanyn aıtty. Jem-shóp egilgen egistiń esebinen alynbaq bolǵan.

– Egistikpen qatar, Qytaıǵa janýarlardy tirideı eksporttaý josparlandy. Sebebi, bizdiń seriktesimizdiń Qulja qalasynda fermasy bar. Ol sút saýýmen aınalysady. Bul sút onkologııalyq aýrýhanalarǵa jiberiledi. Sebebi, esek sútinde kazeın aqýyzy kóp, ol ókpe men baýyrdy emdeýge kómektesedi. Biraq bul bizdiń elimiz úshin jaramaıdy. Sondyqtan tek eksport jasaý josparlandy, ıaǵnı shaǵyn ekonomıkalyq orta qalyptastyrǵymyz keldi. Osynda daqyldardy egemiz. Ony malǵa berip, keıin eksportqa jiberemiz, - degen edi Maksım Pojıgaılov.

Endi kásipker aýylsharýashylyq isin jalǵastyrýdy josparlap otyr.