Almaty mańynda oq atqandar ustaldy

<p>ALMATY. KAZINFORM &ndash; Almaty oblysynda toı kezinde aspanǵa myltyq atqan kúdiktiler qola tústi. Bul týraly oblystyq polıtsııa departamenti habarlady.&nbsp;</p>

Polıtsııa málimetine sáıkes, oqıǵa 9 maýsym kúni Almaty oblysy Eńbekshiqazaq aýdany Túrgen aýylynda bolǵan. 

– Jedel-izdestirý is-sharalarynyń barysynda oblystyq uıymdasqan qylmysqa qarsy kúres basqarmasynyń qyzmetkerleri men jyldam qımyldaıtyn arnaıy jasaqtyń jaýyngerleri quqyqbuzýshylardy qolǵa túsirip, ýaqytsha ustaý ızolıatoryna qamady. Atys qarýyn qoldaný buzaqylyq faktisi boıynsha polıtsııamen qylmystyq is qozǵaldy. Qarýlar tıisti saraptamaǵa joldandy. Tergeý barysy meniń jeke baqylaýymda, - dedi Almaty oblysy PD bastyǵy Baýrjan Álenov.

Sondaı-aq polıtsııa bastyǵy aýdandyq polıtsııa basshylyǵyna qatysty qatań sharalar qabyldanǵanyn atap ótti. 

Eske sala keteıik, buǵan deıin Almaty mańyndaǵy toıda myltyq atqandar izdestirilip jatqanyn jazǵan edik.