Almaty mańynda mektepten órt shyqty

<p>ALMATY. KAZINFORM &ndash; Almaty oblysynyń Qarasaı aýdanynda ornalasqan bilim ordasynan órt shyqty. Oqıǵanyń beınejazbasy áleýmettik jelilerde tarady.</p>

Tótenshe jaǵdaı Qarasaı aýdanynyń quramyna kiretin Jambyl aýylyndaǵy № 2 orta mektepte bolǵan.

Atalmysh jaǵdaıǵa baılanysty Almaty oblysy tótenshe jaǵdaılar departamentiniń baspasóz qyzmeti túsinik berdi.

Departament málimetinshe, mektepte órt shyǵýyna dıspenser toǵynyń tutanýy sebep bolǵan.

— 2024 jyly 17 mamyr kúni Qaskeleń qalasynyń 101 jelisine Jambyl aýylyndaǵy mektepten órt shyqqany týraly habar tústi. Tótenshe jaǵdaıǵa baılanysty dereý Almaty oblysy TJD kúsh-quraldary jiberildi. Oqıǵa ornyna kelgennen keıin № 57 kabınettiń 3-qabatynda 2 sharshy metr alańda sý dıspenseriniń janǵany anyqtaldy. Zardap shekkender joq. Oqıǵa ornyna Almaty oblysy tótenshe jaǵdaılar departamentinen 22 qyzmetker men 9 tehnıka, Almaty qalasynan 5 qyzmetker men 1 tehnıka jumyldyryldy, — dep habarlady Almaty oblysynyń TJD baspasóz qyzmetinen.