Almaty mańynda 20 myńnan astam adam jylýsyz qaldy

<p>ALMATY. KAZINFORM — Almatynyń irgesindegi Іrgeli aýylyndaǵy «Asyl arman» turǵyn úı kesheninde jylý men ystyq sý óshirildi. Almaty oblysynyń ákimdigi onyń sebebin túsindirdi.</p>

Keshen turǵyndarynyń biri Instagram jelisinde qazandyqqa qyzmet kórsetetin uıymnyń qaryzy saldarynan 5 088 otbasy jylýsyz qalǵanyn aıtty.

Almaty oblysynyń ákimdigi «Táýekel-N-Alǵabas» JShS gazben jabdyqtaý boıynsha debıtorlyq qaryzyna baılanysty qazandyq óshirilgenin jetkizdi.

«Sonyń saldarynan 20 myńnan astam adam turatyn 5 088 páter jylýsyz jáne ystyq sýsyz qaldy», — dep atap ótti ákimdiktiń baspasóz qyzmeti.

Qazandyqqa satyp alý quqyǵynsyz senimgerlik basqarý negizinde «AlataýKomServıs» JShS qyzmet kórsetedi.

«4 naýryz kúni saǵat 20:00–degi jaǵdaı boıynsha qazandyqta gaz berý qalpyna keldi, shtattyq rejımde jumys istep tur. „Asyl Arman“ múliktiń menshik ıeleri birlestigi qyzmetkerleri jylý jáne ystyq sý júıelerin retteý jumysyn júrgizip jatyr», — dep tolyqtyrdy ákimdikten.

Atap ótilgendeı, qaryz somasy — 47,457 mln teńge.