«Almaty-Qostanaı» baǵytyndaǵy poıyzǵa jańa vagondar qosyldy
13:04, 18 Qazan 2024
<p>ASTANA. KAZINFORM - «Almaty-Qostanaı» baǵytynda jańa vagondar qatynaıdy. «Túrksib Astana» JShS jeke tasymaldaýshysynyń parki 2024 jyly shyǵarylǵan kýpe jáne platskart úlgisindegi 10 jańa jolaýshylar vagonymen tolyqty. Sonymen qatar onyń ishinde múmkindigi shekteýli jandarǵa arnalǵan arnaıy shtabtyq vagon bar, dep habarlaıdy QR Kólik mınıstrliginiń baspasóz qyzmeti. </p>
Barlyq vagondar «Zıksto» AQ otandyq óndirýshisinen satyp alyndy. Vagondar aýa baptaǵysh júıelerimen jáne bıoájethanalarmen jabdyqtalǵan.
Joǵaryda atalǵan jańa jolaýshylar vagondary bıylǵy qarasha aıynan bastap №43/44 «Qostanaı-Almaty» baǵyty boıynsha qatynaıdy. Aıta ketý kerek, bul baǵytta qatynaıtyn vagandor ábden eskirgen jáne jolaýshylar tarapynan únemi shaǵymdar bolatyn.
Esterińizge sala keteıik, bıyl 122 birlik jańa vagon ákelindi, jyl sońyna deıin taǵy 18 birlik jetkiziledi dep kútilýde.