Almaty kósheleriniń birinde birjaqty qozǵalys engiziledi

<p>ALMATY. KAZINFORM &ndash; Almatyda Prokofev kóshesiniń bir bóligine birjaqty qozǵalys engiziledi. Almaty ákimdiginiń málimetine sáıkes, ózgeris aýdan turǵyndarynyń ótinishi negizinde jáne Ákimshilik polıtsııa basqarmasynyń kelisimi boıynsha engizilmek.</p>

«23 tamyzdan bastap jol qozǵalysy syzbasyna synaq túrinde ózgeris engizilip, Qarasaı batyr kóshesinen Esenjanov kóshesine deıingi bólikte ońtústik baǵytta birjaqty qozǵalys uıymdastyrylady. Atalǵan ýchaskede tıisti jol belgileri ornatylady», - dep habarlady Qalalyq mobıldilik basqarmasynan.

Eske salaıyq, buǵan deıin Almatyda Raıymbek - Momyshuly jolaıryǵy ýaqytsha jabylǵanyn jazǵanbyz. 20 tamyz saǵat 23.00-den 22 tamyz saǵat 11.00-ge deıin Momyshuly kóshesinde Tóle bı kóshesinen Taldyaral kóshesine deıingi estakadada, sondaı-aq oǵan burylatyn jáne odan shyǵatyn jol jabylady.

Sondaı-aq Pavlodar kóshesiniń boıynda jol qozǵalysyn shekteý merzimi 26 tamyzǵa deıin uzartyldy. 

Foto: Almaty ákimdigi