Almaty kóshelerinen 45 myń tekshe metr qar shyǵaryldy

<p>ALMATY. KAZINFORM &mdash; Almatynyń kommýnaldyq qyzmeti kúsheıtilgen rejımde jumys istep jatyr jatyr.</p>

Megopolıske búgin tańǵy saǵat 8:00-den bastap tolassyz qar jaýyp jatyr. Boljam boıynsha keshki 21:00-ge deıin jalǵasady. Qar kúreý jumystaryna 603 arnaıy tehnıka men 1 034 jumysshy jumyldyryldy.

— Qalada 130 qumshashqysh tehnıka tartyldy. Ásirese, ál-Farabı dańǵylynan ońtústikke qaraı ornalasqan taýly aımaqtarǵa erekshe nazar aýdarylyp, 28 qumshashqysh joldy muzǵa qarsy materıaldarmen óńdep júr. Shaǵyn kólemdi 70 mashına trotýar, qoǵamdyq kólik aıaldamasy jáne avtoturaq aımaǵyn tazalap jatyr, — dep atap ótti ákimdikten.

Sońǵy tórt táýlikte Almaty kóshelerinen 45 myń tekshe metr qar shyǵaryldy.

«Qazgıdromet» RMK málimetinshe, kúndiz aýa temperatýrasy shamamen 0°C, túnde -9…-11°C deıin tómendeıdi.

21 jeltoqsan kúni qar jaýmaıdy, kúndizgi temperatýra -5…-7°C shamasynda bolady.

Almatyda Jańa jyl túni merekelik otshashý bolatynyn jazdyq.