Almaty kóshelerinde ortasha jóndeý jumystary bastaldy
Qalalyq ákimdikten málim etkendeı, Almaty turǵyndaryna yńǵaıly bolý úshin ortasha jóndeý kezinde kólik qozǵalysy meılinshe az shekteledi.
Qazir jumystar barlyq aýdanda bastaldy. Bul rette, 20 magıstraldyq kósheni jóndeý 25 tamyzǵa deıin, al aýdandyq kóshelerdi qazan aıynyń sońyna deıin aıaqtaý kózdelgen.
«Qazir qozǵalysty shekteýdi qajet etpeıtin jumystar júrgizilip jatyr. Bul trotýar tóseý, túnde asfalt jabynyn qyrý jumystary. Polımerasfaltbetony tóselgen soń tehnologııa boıynsha 36 saǵat turý kerek, sondyqtan jol ishinara jabylady», - dedi basqarma basshysynyń orynbasary Ernur Ábjahan.
Sonymen, Dýlatı dańǵylynda ál-Farabı dańǵylynan Naberejnaıa kóshesine deıin, Jandosov kóshesinde Tımırıazev kóshesinen Manas kóshesine deıin, Ótegenov kóshesinde Q.Taýasaruly kóshesinen K.Salyqov kóshesine deıin, Berezovskıı kóshesinde Gagarın dańǵylynan Rozybakıev kóshesine deıin, Qabdolov kóshesinde Ótegen batyr kóshesinen Saın dańǵylyna deıin, Turǵut Ózal kóshesinde Tóle bı kóshesinen Raıymbek dańǵylyna deıin, Súıinbaı dańǵylynda Bekmahanov kóshesinen Lavrenev kóshesine deıin jumys bastaldy.
«Jóndeletin kóshelerdiń aýmaǵynda merdigerlik uıym basshylarynyń baılanys aqparaty bar arnaıy stendter ornatylady. Kólik qozǵalysyn shekteý qala turǵyndaryna BAQ jáne áleýmettik jeliler arqyly habarlanady, sondaı-aq jóndeletin ýchaskeler «2Gıs» jáne «ıAndeks karty» servısterinde kórsetiledi»,- dep atap ótti basqarmadan.
Esterińizge sala keteıik, shahar turǵyndaryna yńǵaıly bolý úshin jol ınfraqurylymyna arnalǵan arnaıy Telegram arnanyń @AlmatyJolybot chat-boty iske qosyldy. Ol arqyly turǵyndar qala joldaryndaǵy shuńqyrlardy jóndeýge ótinish bere alady.
Almatyda bıyl uzyndyǵy 250 km bolatyn 274 kóshe ortasha jóndeýden ótedi, osylaısha 92%-ǵa deıin joldyń úlesin jaqsy jáne qanaǵattanarlyq jaǵdaıda jetkizý josparlanǵan.