Almaty kóshelerinde kók tústi jol belgisi paıda boldy

<p>ALMATY. KAZINFORM &ndash; Almatyda Naýryzbaı batyr kóshesinde kók tústi jol belgisi syzyldy. &laquo;Almaty parkıng&raquo; málimetinshe, kommýnaldyq mekemeniń aqyly turaq aımaǵy kók túspen tańbalanady.</p>

Bul jańashyldyq kólik júrgizýshilerine turaq aımaǵyn tez anyqtaýǵa kómektesedi.Buryn aqyly avtoturaqtar tek 5, 10 jáne 20 sandary bar sheńbermen beınelengen aqparattyq taqta túrinde kórsetilgen. Alaıda mundaı belgiler árdaıym aqyly turaq shekaralaryn naqty kórsete almaıdy.

«Kók tústi tańba Naýryzbaı batyr kóshesinde paıda boldy jáne odan ári barlyq kommýnaldyq aqyly avtoturaqta qoldanylady. Tyǵyz trafık kezinde jol belgisi baıqalmaýy múmkin, al kók tańba nazar aýdartady. Bul qalalyq ınfraqurylymdy jaqsartý jáne Almaty turǵyndary men qonaqtary úshin jaılylyq deńgeıin arttyrý jónindegi baǵdarlamanyń bir bóligi. Kólik júrgizýshileri qazirdiń ózinde turaq aımaǵyn anyqtaý protsesin qarapaıym ári túsinikti etetin jańa júıeniń artyqshylyǵyn baǵalaı alady», - delingen «Almaty parkıngtiń» habarlamasynda.